सिंधुदुर्गनगरी : करोना प्रतिबंधक लसीकरणाच्या पहिल्या टप्प्यासाठी सिंधुदुर्ग जिल्ह्यात करोनाची लस दाखल झाली आहे.
रत्नागिरीत ३, तर सिंधुदुर्गात दसपट ३० जण करोनामुक्त
रत्नागिरी/सिंधुदुर्गनगरी : रत्नागिरी जिल्ह्यात आज (१४ जानेवारी) करोनाचे नवे ७ रुग्ण आढळले, तर ३ जण करोनामुक्त झाले. सिंधुदुर्ग जिल्ह्यात आज १२ नवे रुग्ण आढळले, तर ३० रुग्ण करोनामुक्त झाले. रत्नागिरी जिल्ह्यात एकाचा करोनामुळे मृत्यू झाला.
सुभाषित संग्रह संकलित करण्याचा संकल्प सोडून श्रीकांत वहाळकर यांना श्रद्धांजली
रत्नागिरी : संस्कृत शिक्षक कै. श्रीकांत वहाळकर यांनी संकलित केलेल्या सुभाषितांचा संग्रह प्रकाशित केला जाईल, असा संकल्प त्यांच्या श्रद्धांजली सभेत सोडण्यात आला.
झोंपाळ्यावरची गीता आणि इंग्रजी अनुवाद – अध्याय तिसरा – भाग ३
खासकरून लहान मुलींना सहज समजेल आणि त्यांच्याकडून पुढच्या पिढीवर चांगले संस्कार होतील, या हेतूने दत्तात्रेय अनंत आपटे उर्फ अनंततनय यांनी १९१७मध्ये सुलभ मराठीत झोंपाळ्यावरची गीता लिहिली. रत्नागिरीतील ज्येष्ठ पत्रकार राजेंद्रप्रसाद मसुरकर यांनी या गीतेचा इंग्रजी अनुवाद केला आहे. गीता जयंतीपासून झोंपाळ्यावरची गीता आणि तिचा अनुवाद, तसेच मूळ संस्कृत भगवद्गीतेतील काही श्लोक येथे दररोज क्रमशः प्रसिद्ध केले जात आहेत.
करोनानंतरच्या सांस्कृतिक कार्यक्रमांची रत्नागिरीत संगीतमय सुरुवात; आर्ट सर्कलचा संगीत महोत्सव २२ जानेवारीपासून
रत्नागिरी : सलग तेरा वर्षांचे सातत्य कायम राखत यंदाही रत्नागिरीतील आर्ट सर्कल संस्थेने थिबा राजवाड्याच्या भव्य पार्श्वभूमीवर शास्त्रीय संगीत महोत्सव आयोजित केला आहे. २२ ते २४ जानेवारी २०२१ या कालावधीत हा महोत्सव होणार आहे. यंदाचा महोत्सव भविष्यातील भारतीय शास्त्रीय संगीत या संकल्पनेवर आधारलेला आहे. रत्नागिरीत करोनानंतरच्या सांस्कृतिक कार्यक्रमांची भव्य सुरुवात आर्ट सर्कलच्या या संगीत महोत्सवाने होणार आहे.
सिंधुदुर्गातील गावागावांमध्ये बीएसएनएलची जलद इंटरनेट सेवा
कणकवली : सिंधुदुर्ग जिल्ह्यातील ३६१ ग्रामपंचायतींसह दाट लोकवस्ती असलेल्या ठिकाणी बीएसएनएलच्या माध्यमातून जलद इंटरनेट सेवा पुरविणारे हॉटस्पॉट बसवले जाणार आहेत. तेथून २०० मीटर अंतर परिसरात इंटरनेटची सुविधा ग्राहकांना मिळेल.