‘दर्पण’भूमीचे प्रतिबिंब
रत्नागिरी/सिंधुदुर्गनगरी : रत्नागिरी जिल्ह्यात आज (२५ डिसेंबर) सलग दुसऱ्या दिवशी करोनाचे नवे १८ रुग्ण आढळले, तर कालच्याप्रमाणेच ११ जणांना बरे वाटल्याने सुट्टी देण्यात आली. सिंधुदुर्ग जिल्ह्यात ५ नव्या रुग्णांची नोंद झाली आणि २६ जण बरे वाटल्याने घरी गेले.
रत्नागिरी : दिवंगत पंतप्रधान अटलबिहारी वाजपेयी यांच्या जयंतीनिमित्त शहरातील स्टेट बँक कॉलनी परिसरात पहिल्या वायफाय झोनचे उद्घाटन आज (शुक्रवारी) करण्यात आले. अटल वायफाय झोन असे त्याचे नामकरण करण्यात आले आहे.
आज (२५ डिसेंबर २०२०) मार्गशीर्ष शुक्ल एकादशी अर्थात मोक्षदा एकादशी आणि गीता जयंती. सुमारे पाच हजार वर्षांपूर्वी याच दिवशी श्रीकृष्णाने अर्जुनाला श्रीमद्भगवद्गीता सांगितली आणि ज्ञान देऊन मोक्षाचा मार्ग दाखवला, असं मानलं जातं. त्यामुळेच हा दिवस गीता जयंती म्हणून साजरा केला जातो. झोंपाळ्यावरची गीता ही १०० वर्षांपूर्वीची सुलभ मराठी रचना आणि तिचा आजच्या काळात केलेला इंग्रजी अनुवाद आजपासून आम्ही प्रसिद्ध करत आहोत.
रत्नागिरी : इंग्लंडमधून गेल्या महिन्यात रत्नागिरी जिल्ह्यात आलेल्या नऊ प्रवाशांना संस्थांत्मक विलगीकरणात ठेवण्यात आले असून त्यांच्या स्वॅबचे नमुने प्रयोगशाळेत तपासणीसाठी पाठविण्यात आले आहेत. या पार्श्वभूमीवर कोणीही घाबरून जाऊ नये, असे आवाहन जिल्हा प्रशासनातर्फे करण्यात आले आहे.
रत्नागिरी/सिंधुदुर्गनगरी : रत्नागिरी जिल्ह्यात आज (२४ डिसेंबर) करोनाचे १८ नवे रुग्ण आढळले, तर सिंधुदुर्ग जिल्ह्यात १६ नव्या रुग्णांची नोंद झाली. आज रत्नागिरीत ११ जण, तर सिंधुदुर्गात ३५ जण करोनामुक्त झाले.
लांजा : भारतीय काजूगराची चव, स्वाद पाहता भविष्यात भारतीय काजूची मागणी वाढतीच राहणार आहे. भारतीय उद्योजकांनी आयात होणाऱ्या काजूची भीती बाळगण्याचे कारण नाही, असे उद्गार भारत सरकारच्या कॉमर्स मंत्रालयाचे स्टार्ट अप इंडिया आणि आशियाई विकास बँकेचे सल्लागार डॉ. परशराम पाटील यांनी काढले.