महाराष्ट्र आरोग्य विज्ञान विद्यापीठामार्फत घेण्यात येणाऱ्या या वर्षीच्या वैद्यकीय विद्यार्थ्यांच्या उन्हाळी पदवीपूर्व अंतिम वर्षाच्या परीक्षा १६ जुलैपासून घेण्याचे तात्पुरते वेळापत्रक विद्यापीठाने जाहीर केले होते; मात्र विद्यार्थ्यांना अभ्यासासाठी पुरेसा वेळ मिळावा या उद्देशाने परीक्षेचे वेळापत्रक ४५ दिवस आधी जाहीर करावे आणि दर वर्षीप्रमाणे दोन पेपरमध्ये एक दिवसाचे अंतर ठेवण्यात यावे, ही बाब विचारात घेण्यात आली आहे. मुख्यमंत्र्यांच्या मान्यतेनंतर वैद्यकीय शिक्षणमंत्री अमित विलासराव देशमुख यांनी दिलेल्या निर्देशानुसार याबाबतचा शासन निर्णय निर्गमित करण्यात आला आहे.
