दापोली : दापोली येथील डॉ. बाळासाहेब सावंत कोकण कृषी विद्यापीठातील कृषी महाविद्यालयाच्या विस्तार शिक्षण विभागामार्फत नुकतीच रानभाज्यांच्या पाककृतींची स्पर्धा आयोजित करण्यात आली होती. अपर्णा तलाठी यांनी बनविलेल्या ‘रानभाज्यांची खांडवी’ या पदार्थाला प्रथम क्रमांक मिळाला. तसेच, प्रिया बेलोसे यांनी बनविलेली ‘सुरणाची खीर’ दुसऱ्या क्रमांकाची, तर निशिगंधा कुडाळकर यांनी तयार केलेली ‘टाकळ्याची तंबळी’ तिसऱ्या क्रमांकाची मानकरी ठरली.
