रत्नागिरी : रत्नागिरी जिल्ह्यात काळ्या बिबट्याच्या (ब्लॅक पँथर) अधिवासाला वातावरण अनुकूल असून, संगमेश्वर तालुक्यात कोंडिवरे येथे सापडलेल्या काळ्या बिबट्याची माहिती घेण्याचे काम सुरू आहे, अशी माहिती रत्नागिरीच्या परिक्षेत्र वनाधिकारी प्रियांका लगड यांनी दिली. संगमेश्वर तालुक्यातील कोंडिवरे येथे १० जुलै रोजी ब्लॅक पँथरचे दर्शन घडल्याचा व्हिडिओ सोशल मीडियावरून प्रसारित झाला. त्याबाबत श्रीमती लगड यांच्याशी संपर्क साधला असता त्यांनी त्याला दुजोरा दिला.
