मालवण : मालवण येथील बॅ. नाथ पै सेवांगण आणि साने गुरुजी कथामालेची मालवण शाखा यांच्या संयुक्त विद्यमाने कथामाला, सेवांगण आणि कोमसाप या ग्रुपवर ऑनलाइन विज्ञानकथा पंधरवड्याचा नुकताच शुभारंभ झाला. बॅ. नाथ पै सेवांगणचे कार्याध्यक्ष दीपक भोगटे यांनी आल्फ्रेड नोबेल या शास्त्रज्ञाची कथा प्रभावी कथनशैलीत सादर करून या उपक्रमाची सुरुवात केली. या अंतर्गत सिंधुदुर्गाबरोबरच राज्यभरातील मुलांसाठी दररोज एक विज्ञानकथा सादर केली जाणार आहे.
