रत्नागिरी : रत्नागिरी ग्राहक पेठेतर्फे महिला दिनानिमित्त आयोजित करण्यात आलेल्या उद्योगिनी व महिला बचत गटांच्या उत्पादनांच्या प्रदर्शनाची सांगता बक्षीस वितरणाने आठ मार्च रोजी झाली. या वेळी संयोजिका प्राची शिंदे यांनी रत्नागिरी एज्युकेशन सोसायटीच्या कार्याध्यक्षा शिल्पाताई पटवर्धन, मत्स्य महाविद्यालयातील प्राध्यापिका डॉ. स्वप्नजा मोहिते आणि पावसच्या आनंदी वृद्धाश्रमाच्या संचालिका प्रगती खातू यांचा सन्मान केला.
