मुंबई : भारतरत्न गानसम्राज्ञी लता मंगेशकर यांचे आज (रविवार, ६ फेब्रुवारी) सकाळी ८ वाजून १० मिनिटांनी ब्रीच कँडी रुग्णालयात निधन झाले. त्या ९२ वर्षांच्या होत्या. त्यांच्या निधनाबद्दल दोन दिवसांचा राष्ट्रीय दुखवटा जाहीर करण्यात आला आहे. राष्ट्रीय ध्वज अर्ध्यावरच फडकविला जाईल. भारतरत्न लता मंगेशकर यांच्यावर शासकीय इतमामात अंत्यसंस्कार करण्यात येणार असल्याचे केंद्र सरकारतर्फे जाहीर करण्यात आले आहे.
