रत्नागिरी : रोटरी क्लब चाणक्य, रोटरी डिस्ट्रिक्ट ३२५० आयोजित रोटरी मल्टी डिस्ट्रिक्ट सोलो डान्स कॉम्पिटिशन या देशपातळीवरील स्पर्धेत रत्नागिरीच्या आकांक्षा हिराकांत साळवी हिने देशात प्रथम येण्याचा मान पटकावला. ज्येष्ठ अभिनेत्री आणि नृत्यांगना हेमामालिनी, तसेच बिहार येथील प्रसिद्ध भरतनाट्यम नृत्यांगना सुदीपा घोष यांच्या उपस्थितीत अंतिम स्पर्धा पार पडली. आकांक्षा ही कथ्थक नृत्यगुरू सोनम जाधव यांची शिष्या आहे.
