कुडाळ : अत्यंत अभूतपूर्व परिस्थिती उद्भभवल्यामुळे यंदा प्रथमच वारीच्या परंपरेत खंड पडला आहे. त्यामुळे सगळ्या वारकऱ्यांच्या मनाला हुरहुर लागून राहिली आहे. या पार्श्वभूमीवर, सिंधुदुर्गातील कलाकारांनी एकत्र येऊन ‘वारी’ नावाचा लघुपट तयार केला आहे. ‘विद्यम् आर्टस्’तर्फे तयार करण्यात आलेला हा लघुपट आषाढी एकादशीच्या मुहूर्तावर यू-ट्यूबवर प्रदर्शित झाला आहे. एक वारकरी या लॉकडाउनमध्ये विठ्ठलाच्या ओढीने वारीला जायला निघतो; पण या प्रवासात त्याला कोणते अनुभव येतात, त्याचे चित्रण या लघुपटात करण्यात आले आहे. करोनाशी संबंधित सुरक्षिततेचे सर्व निकष पाळून हा लघुपट तयार करण्यात आला आहे.
