रत्नागिरी : करोना आणि त्यामुळे लागू करण्यात आलेले लॉकडाउन यांमुळे सगळ्याच गोष्टींवर विपरीत परिणाम झाले आहेत. प्रचंड ऊर्जा ज्यांच्यात सळसळत असते, अशी लहान मुलेही या लॉकडाउनमुळे घरातच कोंडली गेली आहेत. या पार्श्वभूमीवर, रत्नागिरीत नुकत्याच झालेल्या ऑनलाइन बाल-नाट्य कार्यशाळेमुळे त्यांच्या ऊर्जेला व्यक्त होण्यासाठी चांगले माध्यम उपलब्ध झाले. बालरंगभूमी परिषदेची रत्नागिरी शाखा आणि रत्नागिरी लायन्स क्लब यांच्या संयुक्त विद्यमाने ही कार्यशाळा आयोजित करण्यात आली होती.
