साप्ताहिक कोकण मीडियामहाजॉब्ज पोर्टल

बेरोजगार मनुष्यबळ आणि मनुष्यबळाची आवश्यकता असलेले उद्योग यांचा समन्वय महाजॉब्ज संकेतस्थळाने साधला आहे. पहिल्याच दिवशी संकेतस्थळावर सुमारे ९० हजार तरुणांनी नोकरीसाठी नोंदणी केली, तर कामगारांची गरज असलेल्या साडेसातशे कंपन्याही नोंदविल्या गेल्या. या संधीचा उपयोग कोण कसा करून घेतो, हे पाहणे औत्सुक्याचे ठरणार आहे. कोकणातील कोणीही संकेतस्थळाचा उपयोग करून घेतला गेला नसल्याचे दिसते.

मुंबई : राज्यातील नागरिकांना रोजगाराच्या संधी शोधण्यासाठी साह्यभूत ठरेल, अशा महाजॉब्ज पोर्टलचे लोकार्पण मुख्यमंत्री उद्धव ठाकरे यांच्या हस्ते आज (सहा जुलै) मुंबईत झाले. उद्योगमंत्री सुभाष देसाई यांच्यासह दिलीप वळसे-पाटील, नवाब मलिक आणि अदिती तटकरे आदी या वेळी उपस्थित होते.