‘दर्पण’भूमीचे प्रतिबिंब
कोकण रेल्वे मार्गावरील पहिली आणि महाराष्ट्रातील पाचवी वंदे भारत एक्स्प्रेस आजपासून कोकण रेल्वे मार्गावर धावू लागली आहे. मडगाव–मुंबई या शुभारंभाच्या वंदे भारत एक्स्प्रेसला गोव्यातील मडगाव रेल्वेस्थानकावर पंतप्रधान नरेंद्र मोदी यांनी व्हिडीओ कॉन्फरन्सिंगद्वारे हिरवा झेंडा दाखवून गाडीचा शुभारंभ केला. त्यानंतर विशेष निमंत्रितांना घेऊन गाडी मुंबईच्या दिशेने निघाली. गाडीचे कणकवली आणि रत्नागिरीत जल्लोषात स्वागत करण्यात आले.
वंदे भारत एक्स्प्रेसच्या उद्घाटन कार्यक्रमाची मडगाव स्टेशनवर जय्यत तयारी करण्यात आली होती. तसेच, ज्या ठिकाणी ती गाडी थांबणार होती, त्या प्रत्येक स्टेशनवरही गाडीच्या स्वागताची जंगी तयारी झाली होती. या पहिल्या गाडीतून प्रवास करण्यासाठी काही रेल्वे फॅन्स, तसेच पत्रकार मडगावमध्ये दाखल झाले होते; मात्र दुर्दैवी अपघातामुळे कार्यक्रम रद्द झाल्याने सर्वांचा उत्साह मावळला. वंदे भारत एक्स्प्रेस मडगावहून रिकामीच मुंबईला रवाना झाली. रत्नागिरीतील प्रा. उदय बोडस हेदेखील या गाडीतून पहिला प्रवास करण्यासाठी मडगावला दाखल झाले होते.
मुंबई : कोकण रेल्वे मार्गावरील मुंबई सीएसएमटी-मुंबई सीएसएमटी वंदे भारत एक्स्प्रेसचे वेळापत्रक निश्चित झाले आहे. शुक्रवार वगळता ही गाडी धावणार आहे.