‘दर्पण’भूमीचे प्रतिबिंब
मालवण : माझी मालवणी कविता मालवणी मातीतच रुजून आली. म्हणूनच तिच्यात मालवणी माणसांची सुखदुःखे, त्यांचा इरसालपणा दिसून येतो. दारिद्र्यातही विचारांची श्रीमंती देणारी माझी आई माझ्या प्रत्येक कवितेची मूलस्रोत आहे, असे उद्गार मालवणी ज्येष्ठ कवी रुजारिओ पिंटो यांनी काढले.
मालवण : पु. ल. देशपांडे या महाराष्ट्राच्या लाडक्या व्यक्तिमत्त्वाचा आठ नोव्हेंबर हा जन्मदिन. लेखन, संगीत, नाट्य अशा विविध क्षेत्रांत विपुल आणि दर्जेदार निर्मिती केलेल्या या अष्टपैलू व्यक्तिमत्त्वाच्या गौरवासाठी कोकण मराठी साहित्य परिषदेच्या मालवण शाखेने ‘पुलं गौरवगीता’ची निर्मिती केली आहे. पाच नोव्हेंबर अर्थात मराठी रंगभूमी दिनी या गीताच्या चित्रफितीचे उद्घाटन ‘कोमसाप’च्या मालवण शाखेचे अध्यक्ष आणि लेखक सुरेश ठाकूर यांच्या हस्ते ऑनलाइन सोहळ्यात झाले.
कोकण मराठी साहित्य परिषदेच्या मालवण शाखेने आयोजित केलेल्या ‘सिंधुसाहित्यसरिता’ ह्या लेखमालेचे उद्घाटन मधुसूदन नानिवडेकर यांच्या हस्ते ऑनलाइन कार्यक्रमात झाले.