रत्नागिरी : नाचणे (ता. रत्नागिरी) ग्रामपंचायतीने सलग चौथ्या वर्षी उन्हाळी छंद वर्ग (समर कॅम्प) आयोजित केला आहे. अशा तऱ्हेने छंद वर्ग आयोजित करणारी ही महाराष्ट्रातील पहिली ग्रामपंचायत आणि रत्नागिरी जिल्हा परिषदेची पहिली मराठी शाळा आहे.
नाचणे ग्रामपंचायत आणि जिल्हा परिषद पूर्ण प्राथमिक शाळा क्र. १ यांच्या गेली तीन वर्षे समर कॅम्प आयोजित केला जात आहे. सलग चौथ्यावर्षी येत्या ३ आणि ४ मे रोजी कॅम्पचे आयोजन करण्यात आले आहे.
मनोरंजन, कला, आरोग्य व सुसंस्कारांसह विद्यार्थ्यांच्या कला गुणांना वाव देण्यासाठी या दोन दिवसीय कॅम्पचे आयोजन करण्यात आले आहे. हा वर्ग ४ ते १२ वर्षे वयोगटातील मुलांसाठी आहे. प्रवेश विनामूल्य असून ३ आणि ४ मे रोजी सकाळी साडेसात ते साडेअकरा या वेळेत हा वर्ग होणार आहे.
शिबिरात मुंबई व रत्नागिरीतील नामवंत कलाकार मार्गदर्शन करणार आहेत. त्यामध्ये झुंबा, योगासने, जादूचे प्रयोग, ओरिगामी, क्राफ्ट, मनोरंजक खेळ, पक्ष्यांचे आवाज, फेस पेंटिंग, आजीआजोबांच्या गोष्टी, बोला बिनधास्त, बालगीते, बडबडगीते, रेकॉर्ड डान्सबाबत प्रात्यक्षिक आणि मार्गदर्शन केले जाणार आहे.
रत्नागिरी शहर आणि परिसरातील मुलांनी या छंद वर्गाचा लाभ घेण्याचे आवाहन सरपंच ऋषिकेश भोंगले, उपसरपंच निलेखा नाईक, सदस्य शुभम सावंत, शरदिनी मुळ्ये, दीपक नागवेकर यांनी केले आहे.. शिबिरातील सहभागासाठी शुभम सावंत (९८३४७४७२७०) किंवा दीपक नागवेकर (९९२२७३५५००) यांच्याशी संपर्क साधावा, असे सूचित करण्यात आले आहे.
कोकण मीडियाला विविध सोशल मीडियावर फॉलो करण्यासाठी खाली दिलेल्या पर्यायांवर क्लिक करा.
टेलिग्राम, व्हॉट्सअॅप, यू-ट्यूब, ट्विटर, फेसबुक, इन्स्टाग्राम, इन्स्टामोजो, गुगल प्ले बुक्स, गुगल न्यूज, बुकगंगा, साउंडक्लाउड
Something went wrong. Please refresh the page and/or try again.
