‘दर्पण’भूमीचे प्रतिबिंब
रत्नागिरी : करोना विषाणूसंसर्गाचे संकट ओढवलेले असल्यामुळे रक्तदान शिबिरे घेण्यावरही मर्यादा आली आहे. त्यामुळे राज्यात रक्ताचा तुटवडा निर्माण होण्याची शक्यता आहे. या पार्श्वभूमीवर, सुरक्षिततेचे सगळे निकष पाळून रत्नागिरीत ३१ मार्च आणि एक एप्रिल २०२० रोजी रक्तदान शिबिरे होणार आहेत. ३१ मार्चचे शिबिर ‘रत्नागिरी आर्मी’ने आयोजित केले आहे. तसेच, एक एप्रिलचे शिबिर अनुलोमतर्फे आयोजित करण्यात आले आहे. या शिबिरांमध्ये सहभागी होऊन रक्त संकलनाला हातभार लावावा, असे आवाहन करण्यात आले आहे.
करोनामुळे उद्भवलेल्या परिस्थितीशी दोन हात करण्यासाठी केंद्र, तसेच राज्य सरकार युद्धपातळीवर प्रयत्न करतच आहे. नागरिकांनीही त्यात ऐच्छिक आर्थिक मदतीद्वारे सहभागी होण्याचे आवाहन करण्यात आले आहे. पंतप्रधान, तसेच मुख्यमंत्री सहायता निधीच्या बँक खात्यांचे तपशील जाहीर करण्यात आले आहेत.
सध्या ‘करोना’च्या संकटामुळे लॉकडाउन असल्याने अन्य नियतकालिकांप्रमाणेच साप्ताहिक कोकण मीडियाच्या अंकाची छपाई करणे शक्य होऊ शकलेले नाही. त्यामुळे २७ मार्च २०२० रोजीचा अंक ऑनलाइन मोफत उपलब्ध करत आहोत. हा अंक ई-बुक स्वरूपात गुगल प्ले बुक्सवर उपलब्ध आहे.
रत्नागिरी : पंतप्रधान नरेंद्र मोदी यांनी केलेल्या घोषणेनुसार १४ एप्रिलपर्यंत संपूर्ण देशभरात लॉकडाउन आहे; मात्र या कालावधीत खासगी डॉक्टर्सनी आपले दवाखाने, रुग्णालये, नर्सिंग होम सुरू ठेवून नेहमीप्रमाणे रुग्णांची तपासणी सुरू ठेवावी, असे आदेश जारी करण्यात आले आहेत. तसेच, प्रिस्क्रिप्शनशिवाय औषधविक्रीस बंदी करण्यात आली आहे.
रत्नागिरी : मुंबई व पुणे शहरातून आठ मार्च २०२०नंतर रत्नागिरी जिल्ह्यामध्ये आलेल्या व्यक्तींनी राहत्या ठिकाणातून/घरातून बाहेर पडू नये, असे आदेश जिल्हाधिकारी लक्ष्मीनारायण मिश्रा यांनी दिले आहेत. या आदेशाचा भंग करणाऱ्या व्यक्तींवर दंडनीय कारवाई करण्यात येणार असल्याचे जाहीर करण्यात आले आहे.
करोना विषाणूच्या संसर्गाने भीषण रूप धारण केले आहे. या पार्श्वभूमीवर पंतप्रधान नरेंद्र मोदी देशवासीयांशी संवाद साधत आहेत. भाषणाचा लाइव्ह व्हिडिओ