‘दर्पण’भूमीचे प्रतिबिंब
नवी दिल्ली : भारताने देशातल्या १०० कोटी नागरिकांचे कोविडप्रतिबंधक लसीकरण करण्याचा ऐतिहासिक टप्पा आज, २१ ऑक्टोबर २०२१ रोजी गाठला आहे. या वर्षी १६ जानेवारी रोजी भारताचा लसीकरण कार्यक्रम सुरू झाला होता. म्हणजेच अवघ्या १० महिन्यांत भारताने ही कामगिरी केली आहे.
नवी दिल्ली : कोविशिल्ड लशीच्या दोन डोसमधील अंतर १२ ते १६ आठवड्यांचे असावे, अशी शिफारस डॉ. एन. के. अरोरा यांच्या अध्यक्षतेखालील कोविड वर्किंग ग्रुपने केंद्र सरकारला केली आहे. सध्या कोविशिल्ड लशीचे दोन डोस सहा ते आठ आठवड्यांच्या अंतराने दिले जात आहेत. केंद्रीय आरोग्य आणि कुटुंबकल्याण मंत्रालयाने ही शिफारस स्वीकारली असून, त्यानुसार आता अंमलबजावणी केली जाणार आहे.
सिंधुदुर्गनगरी : करोना प्रतिबंधक लसीकरणाच्या पहिल्या टप्प्यासाठी सिंधुदुर्ग जिल्ह्यात करोनाची लस दाखल झाली आहे.
नवी दिल्ली : करोना महामारीच्या प्रतिबंधासाठी कोविशिल्ड आणि कोव्हॅक्सिन अशा दोन लशींच्या आपत्कालीन नियंत्रित वापराला भारतीय औषध महानियंत्रकांकडून (डीजीसीआय) अखेर मंजुरी मिळाली आहे. आज (तीन जानेवारी) झालेल्या पत्रकार परिषदेत ही माहिती देण्यात आली. विशेष म्हणजे या दोन्ही लशी भारतातच तयार झालेल्या आहेत.