‘दर्पण’भूमीचे प्रतिबिंब
वालावल (ता. कुडाळ) : सिंधुदुर्ग जिल्ह्यातील प्रसिद्ध होमिओपॅथ डॉ. अशोक वासुदेव प्रभू यांच्या पहिल्या स्मृतिदिनानिमित्ताने आयोजित केलेल्या सिंधुदुर्ग जिल्हास्तरीय हिंदुस्थानी शास्त्रीय गायन स्पर्धेत तीन वेगवेगळ्या गटांमध्ये ऋचा संजय पिळणकर, देवयानी यशवंत केसरकर आणि मनोज भालचंद्र मेस्त्री या तिघांनी स्वरसिंधुरत्न पुरस्कार पटकावला आहे.
वालावल (ता. कुडाळ) : सिंधुदुर्ग जिल्ह्यातील प्रसिद्ध होमिओपॅथ डॉ. अशोक वासुदेव प्रभू यांच्या पहिल्या स्मृतिदिनानिमित्ताने सिंधुदुर्ग जिल्हास्तरीय हिंदुस्थानी शास्त्रीय गायन स्पर्धेला आज (दि. १३ मे) सकाळी येथे प्रारंभ झाला. येथील लक्ष्मीनारायण मंदिरात ही स्पर्धा सुरू झाली.
कुडाळ : सिंधुदुर्ग जिल्ह्यातील प्रसिद्ध होमिओपॅथ डॉ. अशोक वासुदेव प्रभू यांच्या पहिल्या स्मृतिदिनानिमित्ताने येत्या १३ मे रोजी सिंधुदुर्ग जिल्हास्तरीय हिंदुस्थानी शास्त्रीय गायन स्पर्धा आयोजित करण्यात आली आहे. विजेत्यांना स्वरसिंधुरत्न पुरस्काराने गौरविण्यात येणार आहे.
वालावल (ता. कुडाळ) : रत्नागिरी आणि सिंधुदुर्ग जिल्ह्यातील होमिओपॅथीचे प्रचारक आणि येथील रहिवासी अशोक प्रभू (वय ६७) यांचे काल (दि. १३) सायंकाळी कोल्हापूर येथे एका खासगी रुग्णालयात निधन झाले. त्यांना करोनाची बाधा झाली होती.
या वर्षी करोना विषाणूच्या प्रभावामुळे आमच्या वालावल गावातील रामनवमीचा उत्सव हा सार्वजनिक आरोग्याची काळजी घेण्यासाठी रद्द करण्यात आला आहे. हा उत्सव रद्द करताना मनातील ज्या भावनेवर दगड ठेवला गेला तो गावातील प्रत्येकाला स्वीकारताना जड जात आहे. या उत्सवाची मजा काही औरच असते. ती ज्याने अनुभवली तो आज नक्की चुकचुकत असणार यात तिळमात्रदेखील शंका नाही.