‘करोना’ची लक्षणे ओळखण्यासाठी सरकारचे ऑनलाइन स्वयंचाचणी टूल

मुंबई : करोना विषाणूचा संसर्ग झाल्याची प्राथमिक लक्षणे नागरिकांना स्वतःच ओळखता यावीत, यासाठी महाराष्ट्र सरकारने सेल्फ असेसमेंट टूल (स्वयंचाचणी) विकसित केले आहे. हे टूल मराठी, हिंदी व इंग्रजी भाषेमध्ये वेबसाइटवर उपलब्ध आहे. वैद्यकीय सल्ला हवा असेल, तर आवश्यक ती माहिती आणि संपर्क क्रमांकही या लिंकवर उपलब्ध आहेत. तसेच, यावर चाचणी केलेल्यांच्या लक्षणांच्या स्वरूपाची माहिती प्रशासनापर्यंतही आपोआप पोहोचवली जाणार आहे.

https://covid-19.maharashtra.gov.in/ या वेबसाइटवर हे टूल उपलब्ध आहे. ‘कोविड -१९’चा प्रभावीपणे सामना करण्यासाठी नावीन्यपूर्ण तंत्रज्ञानाचा वापर करून कार्यक्षमता वाढवणे, महत्त्वपूर्ण माहिती एकत्र करणे, तसेच योग्य जनजागृती करून सध्या असलेल्या संसर्गाचे अधिक चांगले व्यवस्थापन करणे हा या प्लॅटफॉर्मचा मुख्य हेतू आहे.

जागतिक आरोग्य संघटना (WHO) आणि केंद्र व राज्याचा आरोग्य विभाग यांच्या मार्गदर्शक तत्त्वांनुसार करोनासदृश लक्षणे दिसणाऱ्या व्यक्तीने स्वत:चे विलगीकरण करणे आणि तीव्र लक्षणे दिसल्यास त्वरित वैद्यकीय सल्ला घेणे अत्यावश्यक आहे; पण बऱ्याच नागरिकांमध्ये काही किरकोळ (निम्न) लक्षणे – म्हणजे सर्दी, ताप, खोकला – दिसतात, ज्यांचा करोना विषाणू संसर्गाशी संबंध नसू शकतो. अशा वेळेस नागरिक घाबरून न जाता या टूलच्या आधारे योग्य ती कार्यवाही करू शकतात. अशा परिस्थितीत प्राथमिक पातळीवर आपल्या घरीच स्वयंचाचणी करता यावी यासाठी महाराष्ट्र शासन व अपोलो २४x७ यांच्या संयुक्त विद्यमाने हे सेल्फ असेसमेंट टूल बनविण्यात आले.

विशेष बाब म्हणजे, या प्लॅटफॉर्ममुळे प्रशासनाला चाचणी घेतलेल्या नागरिकांचा रिअल टाइम डॅशबोर्डही बघता येतो. तसेच इतर स्वयंचाचणी टूल फक्त परिणाम दर्शवितात; मात्र या टूलने चाचणी केल्यावर एखाद्या व्यक्तीमध्ये करोनासदृश लक्षणे मध्यम किंवा उच्च स्वरूपाची असल्यास अशा व्यक्तीचे‌ वैयक्तिक तपशील प्रशासनापर्यंत पोहोचवले जातात. त्यामुळे प्रशासनाला संभाव्य संक्रमणास अधिक प्रभावीपणे शोधता येईल. हे सेल्फ असेसमेंटटूल प्रत्येकाच्या वापरासाठी उपलब्ध आहे.
या प्लॅटफॉर्मवर, कोविड १९ रोखण्यासाठी ‘काय करावे’ आणि ‘काय करू नये’ (Do’s & Don’ts), हेल्पलाइन क्रमांक आणि संबंधित माहितीदेखील उपलब्ध आहे. डॉक्टरांकडून दूरध्वनी, व्हिडिओ कॉलद्वारे आरोग्य सेवेचा सल्ला घेण्यासाठीची सुविधाही लवकरच उपलब्ध होईल.

हा प्लॅटफॉर्म, क्यूआर कोड रूपात सर्व प्राथमिक आरोग्य केंद्रे, शहरी प्राथमिक आरोग्य केंद्रे आणि खासगी दवाखाने येथेही उपलब्ध होणार आहे. त्यामुळे तिथेही रुग्णांना स्वयंचाचणी करता येईल. या नोंदी केल्याने प्रशासनाला सतत अद्ययावत होणारा डॅशबोर्ड पाहता येईल आणि संभाव्य धोका लक्षात घेऊन तातडीने निर्णय घेता येतील.

या प्लॅटफॉर्मची निर्मिती आणि अंमलबजावणीमध्ये नॅशनल हेल्थ ऑथॉरिटी – भारत सरकार, कौशल्य विकास विभागाचे महाराष्ट्र राज्य नावीन्यता सोसायटी – महाराष्ट्र शासन, नाशिक डिस्ट्रिक्ट इनोव्हेशन कौन्सिल, नाशिक महापालिका, डिजिटल इम्पॅक्ट स्क्वेअर (टीसीएस फाउंडेशनचा उपक्रम), कुंभेथॉन इनोवेशन फाऊंडेशन या संस्थांचा महत्त्वाचा सहभाग होता.

प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदला )

Google photo

You are commenting using your Google account. Log Out /  बदला )

Twitter picture

You are commenting using your Twitter account. Log Out /  बदला )

Facebook photo

You are commenting using your Facebook account. Log Out /  बदला )

Connecting to %s