रत्नागिरी : येथील १०१ वर्षांच्या टिळक आळी गणेशोत्सव मंडळातर्फे दि. ३१ जुलै ते १ व २ ऑगस्ट, २०२६ या कालावधीत येथील वैद्य मंगल कार्यालयात दुसरी रत्नागिरी जिल्हा मानांकन कॅरम स्पर्धा आयोजित करण्यात आली आहे.
स्पर्धेचा उद्घाटन समारंभ शुक्रवार दि. ३१ जुलै २०२६ रोजी सकाळी ११.०० वाजता होणार आहे. स्पर्धा पुरुष एकेरी, . पुरुष दुहेरी, महिला एकेरी, वयस्क गट पुरुष, कुमार गट, कुमारी गट, किशोर गट व किशोरी गट अशा आठ गटांत होईल.
सन २०२६ – २०२७ या वर्षातील ही दुसरी स्पर्धा आहे. नवीन खेळाडूंनी २०२६ २७ या वर्षाची रजिस्ट्रेशन फी रु. ५०/- जिल्हा असोसिएशनकडे जमा करावी. स्पर्धेसाठी प्रवेश फी पुरुष व महिला गटासाठी रु. १५०/- दुहेरीसाठी रु.२००/- व लहान गटासाठी रु. १००/-, वयस्कर गटासाठी रु.१५०/- याप्रमाणे निश्चित करण्यात आली आहे.
वयस्क गटातील खेळाडूंना पुरुष एकेरीमध्ये सहभाग घेता येईल. प्रत्येक गटात किमान ८ स्पर्धकांच्या प्रवेशिका असणे आवशक आहे अन्यथा त्या गटातील स्पर्धा रद्द करणात येईल.
सर्व स्पर्धकांनी आपल्या प्रवेशिका रविवार, दि. २६ जुलै, २०२६ रोजी सायंकाळी ५.०० वाजेपर्यंत आपल्या तालुका प्रतिनिधीकडे स्पर्धा शुल्कासहित द्याव्यात. त्यानंतर आलेल्या प्रवेशिका स्विकारल्या जाणार नाहीत याची नोंद घ्यावी.
स्पर्धेत सामना खेळणासाठी खेळाडूने पांढरा रंगाचा टी- शर्ट किंवा पांढरा शर्ट परिधान करणे आवश्यक आहे. ज्या गटात ८ स्पर्धक नसतील त्या गटाची स्पर्धा रद्द करण्यात येईल.
स्पर्धेपासून पुरुष दुहेरी गटाचे सामने चार बोर्डाचे तीन सेट अशा पद्धतीनेच खेळवण्यात येणार आहेत, याची सर्व स्पर्धकांनी नोंद घ्यावी.
तालुका प्रतिनिधी असे –
१. गुहागर – श्री. प्रदीप परचुरे (९४२३०४८२५०)
२. रत्नागिरी – श्री. विनायक जोशी ( ८३९०३८७४८३)
३. देवरूख – श्री. राहुल भस्मे (९६५७६३७६७८), श्री. मोहन हजारे (९४२२०५३९४३)
४. चिपळूण – श्री. प्रकाश कानिटकर (९४०३५६४७८२), श्री. दीपक वाटेकर (९९७५५४६६२५)
५. संगमेश्वर – श्री. मनमोहन बेंडके (९१३०३०६५२५)
६. लांजा – श्री. मनोज जाधव (७६२०११६७३६)
७. खेड – श्री. योगेश आपटे (९९५३२२२६३१)
८. राजापूर – श्री. मनोज सप्रे (९४०३७६८३७६ )
९. दापोली – श्री. माधव शेट्ये (९२०९७०९७९२)
स्पर्धेसाठी प्रमुख पंच म्हणून राष्ट्रीय पंच सागर कुलकर्णी, राज्यस्तरीय पंच, सहाय्यक पंच म्हणून मंदार दळवी, राज्यस्तरीय पंच तसेच स्पर्धा प्रमुख म्हणून मनोहर केळकर यांची नेमणूक करण्यात आली आहे.
स्पर्धेत जास्तीत जास्त स्पर्धकांनी भाग घ्यावा, असे आवाहन शशिकांत काळे (अध्यक्ष, श्री टिळक आळी गणेशोत्सव मंडळ, रत्नागिरी), प्रदीप भाटकर (अध्यक्ष, रत्नागिरी जिल्हा कॅरम असोसिएशन), सुचय अण्णा रेडीज (ज्येष्ठ सल्लागार, रत्नागिरी जिल्हा कॅरम असोसिएशन), मिलिंद साप्ते (सचिव, रत्नागिरी जिल्हा कॅरम असोसिएशन), नितीन लिमये (खजिनदार, रत्नागिरी जिल्हा कॅरम असोसिएशन) यांनी केले आहे.
कोकण मीडियाला विविध सोशल मीडियावर फॉलो करण्यासाठी खाली दिलेल्या पर्यायांवर क्लिक करा.टेलिग्राम, व्हॉट्सअॅप, यू-ट्यूब, ट्विटर, फेसबुक, इन्स्टाग्राम, इन्स्टामोजो, गुगल प्ले बुक्स, गुगल न्यूज, बुकगंगा, साउंडक्लाउड
Follow Kokan Media on Social Media
Something went wrong. Please refresh the page and/or try again.
