‘दर्पण’भूमीचे प्रतिबिंब
नवी दिल्ली : देशभरात असलेली सुमारे १९४ दीपगृहे ही पर्यटकांना आकर्षून घेणारी केंद्रे म्हणून विकसित करण्याबद्दल आज (सात जुलै) केंद्रीय नौवहन राज्यमंत्री (स्वतंत्र कार्यभार) मनसुख मांडवीय यांनी एक उच्चस्तरीय बैठक घेतली. दीपगृहांचा परिसर विकसित करण्याविषयी या बैठकीत चर्चा करण्यात आली.
राज्यातील कंटेन्मेंट झोन वगळून हॉटेल, लॉज, अतिथीगृहांना आठ जुलैपासून क्षमतेच्या ३३ टक्के सेवा देण्यास राज्य सरकारने परवानगी दिली आहे. मिशन बिगिन अगेन अभियानांतर्गत या व्यवसायांना करोनाच्या पार्श्वभूमीवर लागू असलेल्या अटी आणि शर्तींसह सेवा सुरू करण्यास परवानगी देण्यात आली आहे.
गेल्या चार-पाच वर्षांत कोकणातील अनेक ठिकाणी अत्यंत महत्त्वपूर्ण खजिन्याचा शोध लागला आहे. तो खजिना म्हणजेच कातळ-खोद-चित्रे किंवा कातळशिल्पे. हा १० हजार वर्षांपूर्वीच्या मानवी उत्क्रांतीच्या टप्प्यातील ज्ञानाचा मोठा खजिना असल्याचे तज्ज्ञांचे मत आहे. या चित्रांमधील विविध रचना, त्यांचे आकार, शैली, मिळालेली दगडी हत्यारे याच्या आधारे भारताच्या प्रागैतिहासिक कालखंडावर नव्याने प्रकाश टाकला जाऊ शकतो. पूर्वजांच्या पाषाणखुणा असलेल्या या वैशिष्ट्यपूर्ण गूढ रचनांचा शोध कसा लागत गेला, कोणत्या संकेतांच्या आधारे स्थानिक अभ्यासक वेगवेगळ्या रचनांपर्यंत पोहोचले, त्याच्याशी जोडलेल्या आख्यायिका कोणत्या आहेत, या ठेव्याच्या संरक्षणासाठी काय केले जात आहे, या गोष्टींबद्दल अनेकांना कुतुहल आहे. हे शोधकार्य ज्या स्थानिक अभ्यासकांनी कुतुहलाने केले आणि हा ठेवा जगासमोर आणला, ते सुधीर रिसबूड, धनंजय मराठे, प्रा. डॉ. सुरेंद्र ठाकूरदेसाई यांनीच मांडलेला हा शोधकार्याचा गूढरम्य प्रवास…