‘दर्पण’भूमीचे प्रतिबिंब
सावंतवाडी : करोनाने मृत्यू झालेल्या मृतदेहावर अंत्यसंस्कार करण्यासाठी काही लोकांकडून वारेमाप पैसे घेतले जात असल्याचे प्रकार घडत आहेत. या पार्श्वभूमीवर सिंधुदुर्ग जिल्ह्याच्या सावंतवाडी तालुक्यातील इन्सुली येथील रुग्णवाहिकाचालक हेमंत वागळे या युवकाने मोफत अंत्यसंस्कार करण्याचा संकल्प केला आहे.
रत्नागिरीतील ज्येष्ठ आयुर्वेद तज्ज्ञ प्रमोद ऊर्फ रघुवीर भिडे आणि ज्येष्ठ बालरोगतज्ज्ञ दिलीप मोरे या दोघांच्या अवघ्या अकरा दिवसांत झालेल्या निधनामुळे दोन वेगवेगळ्या शाखांमधील वैद्यकीय शाखांचे आणि त्यावर अवलंबून असलेल्या रुग्णांचे फार मोठे नुकसान झाले आहे. दोघेही करोनाच्या आजाराने निधन पावले, हा एक दुर्दैवी योगायोग. वैद्य भिडे यांचे करोनाविषयीचे आयुर्वेद शास्त्रानुसार संशोधन सुरू होते, तर डॉक्टर मोरे यांनी करोनाबाधित ४४ बालकांना करोनाच्या दाढेतून बाहेर काढून नवजीवन प्राप्त करून दिले होते. या दोघांचाही दुर्दैवी अंत करणाऱ्या आजारामुळे आरोग्य यंत्रणा आणि ती चालविणारी शासन यंत्रणा याविषयीचे अनेक प्रश्न निर्माण होतात.
रत्नागिरी : रत्नागिरी जिल्हा रुग्णालयातील आज (पाच ऑगस्ट) सकाळीच निधन झालेले बालरोगतज्ज्ञ दिलीप प्रभाकर मोरे यांच्या नावाने जिल्हा रुग्णालयात स्वतंत्र कक्ष सुरू केला जाईल, अशी माहिती रत्नागिरीचे प्रभारी पालकमंत्री उदय सामंत यांनी ऑनलाइन पत्रकार परिषदेत दिली.
रत्नागिरी : डॉ. दिलीप मोरे यांचे आज करोनामुळे निधन झाले.
रत्नागिरी : करोना लढ्यातील उत्कृष्ट कामासाठी रत्नागिरी जिल्ह्यातील स्थानिक स्वराज्य संस्थांना २५ हजार ते दोन लाखापर्यंतचे सन्मान पुरस्कार रत्नागिरीच्या जिल्हाधिकाऱ्यांनी जाहीर केले आहेत. अशा तऱ्हेने पुरस्कार जाहीर करणारा रत्नागिरी हा राज्यातील पहिलाच जिल्हा आहे.