Tag: Lockdown

मुंबई : करोनाच्या प्रतिबंधासाठी राज्यात सध्या सुरू असलेले लॉकडाउन येत्या १५ मेपर्यंत वाढविण्यात आले आहे. राज्याचे मुख्य सचिव सीताराम कुंटे यांनी याबाबतचे आदेश आज सायंकाळी जारी केले.

कोविड-१९च्या संसर्गाला प्रतिबंध करण्यासाठी काही आपत्कालीन पावले उचलणे अपरिहार्य झाले आहे, असा विचार करून राज्य सरकारने साथरोग नियंत्रण कायदा १८९७मधील कलम २ आणि आनुषंगिक आपत्ती व्यवस्थापन कायदा २००५मधील तरतुदी यातून प्राप्त झालेल्या अधिकारांचा वापर करून संपूर्ण राज्यभर खालील उपाययोजना लागू करायचे ठरवले आहे. या उपाययोजना २२ एप्रिल २०२१च्या रात्री आठ वाजल्यापासून १ मे २०२१च्या सकाळी ७ वाजेपर्यंत लागू राहतील, असे सरकारतर्फे कळवण्यात आले आहे.