‘दर्पण’भूमीचे प्रतिबिंब
रत्नागिरी/सिंधुदुर्गनगरी : रत्नागिरी जिल्ह्यात आज (एक जून) सकाळी मिळालेल्या अहवालांनुसार करोनाबाधितांची संख्या १८ने वाढली. तसेच, सिंधुदुर्ग जिल्ह्यातील करोनाबाधितांच्या संख्येत आज (एक जून) १६ने वाढ झाली. त्यामुळे रत्नागिरीतील करोना रुग्णांची एकूण संख्या २८७, तर सिंधुदुर्गातील रुग्णांची संख्या ७२वर पोहोचली आहे.
सिंधुदुर्गनगरी : सिंधुदुर्ग जिल्ह्यातील करोनाबाधितांच्या संख्येत आणखी १४ रुग्णांची वाढ झाली आहे. त्यामुळे जिल्ह्यातील आतापर्यंतच्या एकूण रुग्णांची संख्या ५३ झाली
आतापर्यंत करोना रुग्णांची संख्या मर्यादित असलेल्या सिंधुदुर्ग जिल्ह्याच्या करोनाबाधितांच्या संख्येत आज (२९ मे) एकदम १५ रुग्णांची वाढ झाली. २८ मे रोजी रात्री सहा, तर २९ मे रोजी नऊ जणांचे अहवाल पॉझिटिव्ह आले. त्यामुळे जिल्ह्यातील करोनाबाधितांची एकूण संख्या ३९ झाली असून, ३० रुग्णांवर उपचार सुरू आहेत. दरम्यान, रत्नागिरी जिल्ह्यात आज (ता. २९ मे) सकाळपर्यंतच्या चोवीस तासांमध्ये १२ करोनाबाधित रुग्ण आढळल्याने जिल्ह्यातील बाधितांची संख्या २०८ झाली आहे. रत्नागिरीतील करोनाबाधित गावांची यादीही आज जाहीर करण्यात आली.
सावंतवाडी : क्वारंटाइन असलेल्या एका तरुणाला श्वासोच्छ्वास घेण्यास त्रास होऊ लागल्याने उपचारासाठी नेत असताना त्याचा वाटेतच मृत्यू झाला. सिंधुदुर्ग जिल्ह्याच्या सावंतवाडी तालुक्यातील गुळदुवे गावात ही घटना घडली. मुंबईतील मालाडहून कालच (२६ मे) आपल्या गावात आलेला हा तरुण शाळेत क्वारंटाइन होता. या तरुणाचा मृत्यू नेमका कशामुळे झाला हे अजून स्पष्ट झालेले नाही. या मृत युवकाचा स्वॅब नमुना घेऊन त्याचा अहवाल आल्यावर मृत्यूचे नेमके कारण स्पष्ट होणार आहे.
सिंधुदुर्गनगरी : सध्या करोनाच्या संसर्गाचे संकट मोठ्या प्रमाणावर फैलावत आहे; मात्र खरीप हंगाम जवळ येत असल्याने कोकणाच्या शेतीतील महत्त्वाचे पीक असलेल्या भाताच्या लागवडीची वेळ जवळ येऊन ठेपली आहे. त्यामुळे खरीप भात लागवडीचे नियोजन, तसेच करोनाच्या पार्श्वभूमीवर शेती करताना घायची काळजी याविषयी सिंधुदुर्गातील शेतकऱ्यांना नुकतेच ध्वनिचर्चासत्राद्वारे घरबसल्या मार्गदर्शन करण्यात आले.
रत्नागिरी : आज (२४ मे) सायंकाळी मिरजमधून प्राप्त झालेल्या २७ अहवालांपैकी सहा अहवाल पॉझिटिव्ह आले आहेत. त्यामुळे जिल्ह्यातील करोना रुग्णांची एकूण संख्या आता १५१वर पोहोचली आहे. आज (२४ मे) सकाळीच १३ रुग्णांची भर पडली होती. त्यामुळे जिल्ह्यातील एकूण रुग्णांच्या संख्येत आज १९ रुग्णांची भर पडली आहे. दरम्यान, सिंधुदुर्ग जिल्ह्यातही आज एक नवा करोनाबाधित रुग्ण आढळला आहे.