‘दर्पण’भूमीचे प्रतिबिंब
रत्नागिरी : इन्फिगो आय केअर हॉस्पिटलमुळे डोळ्यांच्या उपचारांसंदर्भातील कोकणातील उणीव दूर झाली आहे. आता यापुढे जाऊन इन्फिगोने पुढाकार घेऊन इतर वैद्यकीय विशेषज्ञांच्या समन्वयातून सर्वसामान्यांसाठी एकत्रितरीत्या वैद्यकीय सुविधा उपलब्ध करून द्यावी, अशी सूचना उच्च आणि तंत्रशिक्षण मंत्री उदय सामंत यांनी केली.
इन्फिगो आय केअर हॉस्पिटलच्या साखळीतील पंधराव्या हॉस्पिटलचं उद्घाटन रत्नागिरीत तीन महिन्यांपूर्वी झालं. मुंबईतल्या नेत्र रुग्णालयाच्या साखळीतलं एक हॉस्पिटल रत्नागिरीत सुरू झालं असलं तरी ते मूळच्या कोकणवासीयाने सुरू केलं आहे, हे त्याचं विशेष. हे वैशिष्ट्य जपणाऱ्या, रुग्णांना दृष्टी देणाऱ्या आणि औपचारिक तसंच अनौपचारिक संवादाद्वारे समाजालाही दृष्टिकोन देणारे इन्फिगो आय केअर हॉस्पिटलच्या साखळीचे व्यवस्थापकीय संचालक डॉ. श्रीधर ठाकूर यांचा १९ नोव्हेंबर रोजी वाढदिवस आहे. त्यानिमित्ताने त्यांचं अभीष्टचिंतन!
रत्नागिरी : इन्फिगो आय केअर हॉस्पिटलमुळे रत्नागिरी जिल्ह्यातील डोळ्यांच्या उपचाराविषयींची कमतरता दूर झाली आहे, असे मत रत्नागिरी जिल्हा परिषदेच्या जिल्हा आरोग्य अधिकारी डॉ. बबिता कमलापूरकर यांनी व्यक्त केले.
रत्नागिरी : डोळे चांगले राहण्यासाठी मुलांनी चांगला आहार घेतला पाहिजे, व्यायाम केला पाहिजे, तसेच चिंचा, बोरे, आवळे खाल्ले पाहिजेत, अशी सूचना प्रसिद्ध बाल नेत्ररोगतज्ज्ञ डॉ. प्रदीप देशपांडे यांनी केली.
रत्नागिरी : इन्फिगो आय केअर या रत्नागिरीतील डोळ्यांच्या हॉस्पिटलतर्फे नाचणे गावातील बचत गटातील महिलांची मोफत नेत्रतपासणी करण्यात आली.
रत्नागिरी : रत्नागिरीत नव्याने सुरू झालेल्या इन्फिगो आय केअरमध्ये आजपासून (दि. ८ ऑक्टोबर) मोतिबिंदू तपासणी सप्ताहाचे आयोजन करण्यात आले आहे. सप्ताहात मोतिबिंदूची तपासणी मोफत केली जाणार आहे. इन्फिगोचे व्यवस्थापकीय संचालक डॉ. श्रीधर ठाकूर यांनी ही माहिती दिली. मोतिबिंदू तपासणी सप्ताहात मुंबईतील तज्ज्ञ डॉक्टर तपासणी करणार आहेत.