‘दर्पण’भूमीचे प्रतिबिंब
रत्नागिरी : रत्नागिरी जिल्ह्यात आज (ता. २९) नव्या ७१ जणांना करोनाची बाधा झाल्याचे निष्पन्न झाले. त्यामुळे जिल्ह्यातील एकूण करोनाबाधितांची संख्या ३७८७ झाली आहे. आज करोनामुळे तिघांच्या मृत्यूची नोंदही झाली. सिंधुदुर्ग जिल्ह्यातील रुग्णांची एकूण संख्या ११०९ झाली आहे.
लॉकडाउन टप्प्याटप्प्याने उघडण्याच्या प्रक्रियेतील पुढचा टप्पा म्हणजेच ‘अनलॉक ४’च्या मार्गदर्शक सूचना केंद्र सरकारने आज (२९ ऑगस्ट) रात्री जाहीर केल्या. त्यानुसार, कंटेन्मेंट झोनच्या बाहेर पूर्वीपेक्षा अधिक कामकाज सुरू करण्यास परवानगी देण्यात आली आहे; मात्र कंटेन्मेंट झोनमधील कडक निर्बंध सप्टेंबर महिन्याच्या अखेरीपर्यंत सुरूच राहतील, असेही त्यात म्हटले आहे.
रत्नागिरी : आज (ता. २८) रत्नागिरी जिल्ह्यात ७५ नवे करोना पॉझिटिव्ह रुग्ण आढळले. त्यामुळे एकूण बाधितांची संख्या आता ३७१६ झाली आहे. सिंधुदुर्गातील रुग्णांची एकूण संख्या १०९६ झाली आहे.
रत्नागिरी : रत्नागिरी जिल्ह्यात आज (ता. १७) सायंकाळी संपलेल्या २४ तासांत करोनाचे नवे १०० रुग्ण आढळले आहेत. त्यामुळ बाधितांची एकूण संख्या २९४५ झाली आहे. आज बरे झालेल्या ३१ जणांना घरी सोडण्यात आल्याने बरे झालेल्यांची एकूण संख्या १८४७ झाली असून, हे प्रमाण ६२.७ टक्के आहे. सिंधुदुर्गातील एकूण बाधितांची संख्या ६५८वर पोहोचली आहे.
रत्नागिरीतील ज्येष्ठ आयुर्वेद तज्ज्ञ प्रमोद ऊर्फ रघुवीर भिडे आणि ज्येष्ठ बालरोगतज्ज्ञ दिलीप मोरे या दोघांच्या अवघ्या अकरा दिवसांत झालेल्या निधनामुळे दोन वेगवेगळ्या शाखांमधील वैद्यकीय शाखांचे आणि त्यावर अवलंबून असलेल्या रुग्णांचे फार मोठे नुकसान झाले आहे. दोघेही करोनाच्या आजाराने निधन पावले, हा एक दुर्दैवी योगायोग. वैद्य भिडे यांचे करोनाविषयीचे आयुर्वेद शास्त्रानुसार संशोधन सुरू होते, तर डॉक्टर मोरे यांनी करोनाबाधित ४४ बालकांना करोनाच्या दाढेतून बाहेर काढून नवजीवन प्राप्त करून दिले होते. या दोघांचाही दुर्दैवी अंत करणाऱ्या आजारामुळे आरोग्य यंत्रणा आणि ती चालविणारी शासन यंत्रणा याविषयीचे अनेक प्रश्न निर्माण होतात.
रत्नागिरी : डॉ. दिलीप मोरे यांचे आज करोनामुळे निधन झाले.