सिंधुदुर्ग जिल्ह्यात नवकरोनाबाधितांची संख्या पुन्हा शून्यावर

सिंधुदुर्गनगरी : सिंधुदुर्ग जिल्ह्यात आज करोनाचा एकही नवा रुग्ण आढळला नाही. चारच दिवसांत पुन्हा एकदा नवबाधितांची संख्या शून्यावर आली आहे. बरे वाटल्याने आज एकही रुग्ण घरी जाऊ शकला नाही. जिल्ह्यातील सक्रिय रुग्णांची संख्याही कालच्याएवढीच म्हणजे ८९ एवढीच आहे.

प्रभारी जिल्हा शल्य चिकित्सक डॉक्टर श्रीपाद पाटील यांनी दिलेल्या अहवालानुसार आज (दि. ६ मार्च) दुपारी १२ वाजेपर्यंतच्या करोनाविषयक अहवालानुसार जिल्ह्यात ५१ जणांची आरटीपीसीआर, तर ६५ जणांची अँटिजेन टेस्ट अशा ११६ जणांचे नमुने तपासण्यात आले. त्यापैकी एकाही रुग्णांचा अहवाल पॉझिटिव्ह आला नाही. जिल्ह्यात सक्रिय असलेल्या ८९ रुग्णांपैकी एकही रुग्ण ऑक्सिजनवर नाही किंवा चिंताजनक अवस्थेतही नाही.

आतापर्यंत जिल्ह्यात ५७ हजार ३७२ रुग्ण बाधित आढळले, तर ५५ हजार ७५६ रुग्ण बरे होऊन घरी गेले. जिल्ह्यात आतापर्यंत मरण पावलेल्या रुग्णांची संख्या १ हजार ५२७ एवढीच आहे.

जिल्ह्यातील तालुकानिहाय सक्रिय रुग्णांची संख्या अशी – देवगड ४, दोडामार्ग २, कणकवली ४, कुडाळ २३, मालवण ३१, सावंतवाडी ९, वैभववाडी १, वेंगुर्ले १०, जिल्ह्याबाहेरील ५.

जिल्ह्यातील आजपर्यंतच्या मृतांची तालुकानिहाय एकूण संख्या अशी – देवगड – १८५, दोडामार्ग – ४६, कणकवली – ३१९, कुडाळ – २५४, मालवण – २९९, सावंतवाडी – २१६, वैभववाडी – ८३, वेंगुर्ले – ११६, जिल्ह्याबाहेरील रुग्ण – ९.