सिंधुदुर्ग जिल्ह्यात करोनाचे नवे १५३ रुग्ण, ३३ करोनामुक्त

सिंधुदुर्गनगरी : सिंधुदुर्ग जिल्ह्यात आज करोनाचे नवे रुग्ण पुन्हा शंभरीपार गेले आहेत. आज नवे १५३ रुग्ण आढळले, तर केवळ ३३ रुग्ण करोनामुक्त झाले. आज दोघा रुग्णांच्या मृत्यूची नोंद झाल्याची माहिती प्रभारी जिल्हा शल्य चिकित्सक डॉक्टर श्रीपाद पाटील यांनी दिलेल्या अहवालात देण्यात आली आहे.

अहवालानुसार आज (दि. ३१ जानेवारी) दुपारी १२ वाजेपर्यंतच्या करोनाविषयक अहवालानुसार जिल्ह्यात १४७ तर जिल्ह्याबाहेरील लॅबमध्ये तपासणी केलेल्या ६ जणांसह एकूण १५३ रुग्णांचा अहवाल पॉझिटिव्ह आला. जिल्ह्यात सक्रिय असलेल्या १०९० रुग्णांपैकी २० रुग्ण ऑक्सिजनवर असून ९ रुग्ण चिंताजनक अवस्थेत आहेत. आज ३३ रुग्ण बरे होऊन घरी गेले.

आतापर्यंत जिल्ह्यात ५६ हजार ८७४ रुग्ण बाधित आढळले, तर ५४ हजार २८८ रुग्ण बरे होऊन घरी गेले. आज दोघा रुग्णांच्या मृत्यूची नोंद झाल्याने आतापर्यंत मरण पावलेल्या रुग्णांची संख्या १ हजार ४९६ झाली आहे.

जिल्ह्यात आज आढळलेल्या रुग्णांची तालुकानिहाय संख्या अशी – देवगड २४, दोडामार्ग ३, कणकवली २१, कुडाळ ४३, मालवण ११, सावंतवाडी ३२, वैभववाडी १०, वेंगुर्ले ८, जिल्ह्याबाहेरील १.

जिल्ह्यातील तालुकानिहाय सक्रिय रुग्णांची संख्या अशी – देवगड ११४, दोडामार्ग ४९, कणकवली १०९, कुडाळ २६९, मालवण १११, सावंतवाडी २१२, वैभववाडी ४९, वेंगुर्ले १५५, जिल्ह्याबाहेरील २२.

आज तळगाव (ता. मालवण) येथील एका ७९ वर्षी पुरुष रुग्णाच्या मृत्यूची नोंद झाली. त्या रुग्णाला हृदयरोग आणि मूत्रपिंडाचा विकार होता. पिंगुळी (ता. कुडाळ) ८० वर्षीय पुरुष रुग्णाचाही आज मृत्यू झाला. त्याला हृदयविकार होता. या दोन मृत्यूंमुळे जिल्ह्यातील एकूण मृतांची संख्या १,४९६ झाली आहे. जिल्ह्यातील आजपर्यंतच्या मृतांची तालुकानिहाय एकूण संख्या अशी – देवगड – १८२, दोडामार्ग – ४५, कणकवली – ३०७, कुडाळ – २५०, मालवण – २९६, सावंतवाडी – २११, वैभववाडी – ८३, वेंगुर्ले – ११३, जिल्ह्याबाहेरील रुग्ण – ९.

कोकण मीडियाला विविध सोशल मीडियावर फॉलो करण्यासाठी खाली दिलेल्या पर्यायांवर क्लिक करा.
टेलिग्राम, व्हॉट्सअॅप, यू-ट्यूब, ट्विटर, फेसबुक, इन्स्टाग्राम, इन्स्टामोजो, गुगल प्ले बुक्स, गुगल न्यूज, बुकगंगा, साउंडक्लाउड