pexels-photo-3952231.jpeg

सिंधुदुर्ग जिल्ह्यात करोनाच्या एकाही नव्या रुग्णाची नोंद नाही

सिंधुदुर्गनगरी : सिंधुदुर्ग जिल्ह्यात आज (५ नोव्हेंबर) दुपारी १२ वाजेपर्यंतच्या अहवालानुसार गेल्या २४ तासांत करोनाचा एकही नवा रुग्ण आढळला नाही. जिल्ह्यासाठी ही अत्यंत दिलासादायक बाब आहे. आज एकही रुग्ण करोनामुक्तही झाला नाही. मात्र आज एकाही मृत्यूची नोंद झालेली नाही. जिल्हा रुग्णालयाचे प्रभारी जिल्हा शल्य चिकित्सक डॉ. श्रीपाद पाटील यांनी ही माहिती दिली.

जिल्ह्यात सध्या १६३ सक्रिय रुग्ण असून सक्रिय रुग्णांपैकी १५ रुग्ण ऑक्सिजनवर, तर ६ रुग्ण व्हेंटिलेटरवर आहेत.

जिल्ह्यातील तालुकानिहाय सक्रिय रुग्णांची संख्या अशी – देवगड १०, दोडामार्ग २२, कणकवली २६, कुडाळ ४१, मालवण २१, सावंतवाडी २४, वैभववाडी ६, वेंगुर्ले १२, जिल्ह्याबाहेरील १.

आज एकाही रुग्णाच्या मृत्यूची नोंद झाली नाही. जिल्ह्यातील एकूण मृतांची संख्या १४५२ एवढीच आहे. जिल्ह्यातील आजपर्यंतच्या मृतांची तालुकानिहाय एकूण संख्या अशी – देवगड – १७९, दोडामार्ग – ४३, कणकवली – २९७, कुडाळ – २४२, मालवण – २८८, सावंतवाडी – २०२, वैभववाडी – ८२, वेंगुर्ले – ११०, जिल्ह्याबाहेरील रुग्ण – ९.

कोकण मीडियाला विविध सोशल मीडियावर फॉलो करण्यासाठी खाली दिलेल्या पर्यायांवर क्लिक करा.
टेलिग्राम, व्हॉट्सअॅप, यू-ट्यूब, ट्विटर, फेसबुक, इन्स्टाग्राम, इन्स्टामोजो, गुगल प्ले बुक्स, गुगल न्यूज, बुकगंगा, साउंडक्लाउड

Follow Kokan Media on Social Media

Leave a Reply