सिंधुदुर्ग जिल्ह्यात नव्या करोनाबाधितांच्या संख्येत घट

सिंधुदुर्गनगरी : सिंधुदुर्ग जिल्ह्यात आज करोनाचे नवे ४१ रुग्ण आढळले, तर चौपटीहून अधिक म्हणजे १७३ रुग्ण करोनामुक्त झाले. आज एकाही रुग्णाच्या मृत्यूची नोंद झालेली नाही. जिल्ह्याकरिता ही आश्वासक स्थिती आहे.

प्रभारी जिल्हा शल्य चिकित्सक डॉक्टर श्रीपाद पाटील यांनी दिलेल्या अहवालानुसार आज (दि. ३ फेब्रुवारी) दुपारी १२ वाजेपर्यंतच्या करोनाविषयक अहवालानुसार जिल्ह्यात ४० तर जिल्ह्याबाहेरील लॅबमध्ये तपासणी केलेल्या एकासह एकूण ४१ रुग्णांचा अहवाल पॉझिटिव्ह आला. जिल्ह्यात सक्रिय असलेल्या ७२५ रुग्णांपैकी १६ रुग्ण ऑक्सिजनवर असून ९ रुग्ण चिंताजनक अवस्थेत आहेत. आज १७३ रुग्ण बरे होऊन घरी गेले.

आतापर्यंत जिल्ह्यात ५७ हजार २९ रुग्ण बाधित आढळले, तर ५४ हजार ८०१ रुग्ण बरे होऊन घरी गेले. आतापर्यंत मरण पावलेल्या रुग्णांची संख्या १ हजार ५०३ आहे.

जिल्ह्यात आज आढळलेल्या रुग्णांची तालुकानिहाय संख्या अशी – देवगड १०, दोडामार्ग १, कणकवली ३, कुडाळ ६, मालवण ४, सावंतवाडी ८, वैभववाडी ०, वेंगुर्ले ८, जिल्ह्याबाहेरील १.

जिल्ह्यातील तालुकानिहाय सक्रिय रुग्णांची संख्या अशी – देवगड ७८, दोडामार्ग ३८, कणकवली ७५, कुडाळ १८१, मालवण १०४, सावंतवाडी १३०, वैभववाडी ३३, वेंगुर्ले ६८, जिल्ह्याबाहेरील १८.

जिल्ह्यातील एकूण मृतांची संख्या १,५०३ आहे. जिल्ह्यातील आजपर्यंतच्या मृतांची तालुकानिहाय एकूण संख्या अशी – देवगड – १८३, दोडामार्ग – ४६, कणकवली – ३११, कुडाळ – २५०, मालवण – २९६, सावंतवाडी – २१२, वैभववाडी – ८३, वेंगुर्ले – ११३, जिल्ह्याबाहेरील रुग्ण – ९.