रत्नागिरीत १८, तर सिंधुदुर्गात ५ नवे करोनाबाधित

रत्नागिरी/सिंधुदुर्गनगरी : रत्नागिरी जिल्ह्यात आज (२४ जानेवारी) करोनाचे नवे १८ रुग्ण आढळले, तर ९ जण करोनामुक्त झाले. सिंधुदुर्ग जिल्ह्यात आज ५ नवे रुग्ण आढळले, तर ५ रुग्ण करोनामुक्त झाले.

रत्नागिरीतील परिस्थिती

रत्नागिरी जिल्ह्यात आज आरटीपीसीआर चाचणीनुसार, रत्नागिरी तालुक्यात दोन, खेड तालुक्यात एक, तर चिपळूण आणि संगमेश्वर तालुक्यात प्रत्येकी चार नवे बाधित रुग्ण आढळले. रॅपिड अँटिजेन चाचणीनुसार रत्नागिरी आणि दापोली तालुक्यांत प्रत्येकी १ बाधित रुग्ण आढळला. तसेच, खेड तालुक्यात तीन, तर चिपळूण तालुक्यात दोन रुग्ण आढळले. (दोन्ही मिळून १८) जिल्ह्यातील आतापर्यंतच्या एकूण रुग्णांची संख्या आता ९४६३ झाली आहे. आज आणखी ९५३ जणांच्या स्वॅबची चाचणी घेण्यात आली; मात्र त्यांचा अहवाल निगेटिव्ह आला. आतापर्यंत ६५ हजार ७५९ जणांचा अहवाल निगेटिव्ह आला आहे.

रत्नागिरी जिल्ह्यातील सक्रिय रुग्णांची संख्या ८२ आहे. त्यातील सर्वाधिक ३४ रुग्ण रत्नागिरीच्या महिला रुग्णालयात दाखल आहेत, तर १५ जण होम आयसोलेशनमध्ये आहेत.

जिल्ह्यात आज ९ जण करोनामुक्त झाल्याने करोनामुक्तांची एकूण संख्या ९०११ झाली आहे. करोनामुक्तीचा दर ९५.२२ टक्के झाला आहे. आज एकाही मृत्यूची नोंद झालेली नाही. मृतांची संख्या ३४३ असून, जिल्ह्याचा मृत्युदर ३.६२ टक्के आहे.

सिंधुदुर्गातील परिस्थिती

सिंधुदुर्गात आज (२४ जानेवारी) दुपारी १२ वाजता आलेल्या अहवालानुसार, आज ५ नवे करोनाबाधित आढळले, तर ५ जण करोनामुक्त झाले. त्यामुळे करोनाबाधित रुग्णांची एकूण संख्या आता ६१५४ झाली आहे. आतापर्यंत करोनावर मात केलेल्यांची एकूण संख्या ५७७६ झाली आहे. सध्या जिल्ह्यात २०८ रुग्णांवर उपचार सुरू आहेत. जिल्ह्यात आतापर्यंत मृत्यू झालेल्यांची एकूण संख्या १६४ आहे.