दापोलीत आज सीडीएस जनरल बिपीन रावत यांना श्रद्धांजली

दापोली : हेलिकॉप्टर दुर्घटनेत निधन पावलेले चीफ ऑफ डिफेन्स स्टाफ अर्थात सीडीएस जनरल बिपिन रावत आणि त्यांच्यासह अन्य सैनिकांना आज बुधवारी, १५ डिसेंबर रोजी दापोली येथे नागरिकांच्या वतीने श्रद्धांजली वाहण्यात येणार आहे.

लष्करी ४३ वर्षे सेवा, तिन्ही लष्कर दलांचे पहिले प्रमुख जनरल बिपिन रावत यांचे ८ डिसेंबर रोजी निधन झाले. त्यामुळे देशाची मोठी हानी झाली आहे. त्यांना श्रद्धांजली वाहण्यासाठी आज सायंकाळी ५ वाजता दापोली पोलीस ठाण्याच्या आवारातील संचलन मैदानावर कार्यक्रम होणार आहे. या श्रद्धांजली कार्यक्रमाला दापोलीकरांनी उपस्थित राहून देशाच्या सर्वोच्च सैनिकांना आदरांजली वाहावी, असे आवाहन करण्यात आले आहे. करोना नियमांचे पालन करून ही सभा होणार आहे. हा कार्यक्रम दापोलीतील पत्रकारांच्या पुढाकाराने आयोजित करण्यात आला आहे.

तळेरे (ता. कणकवली, जि. सिंधुदुर्ग) येथील अक्षर संग्राहक निकेत पावसकर यांच्या अक्षरोत्सवाच्या संग्रहासाठी जनरल बिपिन रावत यांनी पाठविलेले संदेश पत्र…

कोकण मीडियाला विविध सोशल मीडियावर फॉलो करण्यासाठी खाली दिलेल्या पर्यायांवर क्लिक करा.
टेलिग्राम, व्हॉट्सअॅप, यू-ट्यूब, ट्विटर, फेसबुक, इन्स्टाग्राम, इन्स्टामोजो, गुगल प्ले बुक्स, गुगल न्यूज, बुकगंगा, साउंडक्लाउड

Follow Kokan Media on Social Media

Leave a Reply