रत्नागिरी जिल्ह्यात चार नवे करोनाबाधित; एक मृत्यू

रत्नागिरी : रत्नागिरी जिल्ह्यात आज (१८ डिसेंबर) चार नवे करोनाबाधित आढळले, तर एकही रुग्ण करोनामुक्त झाला नाही. आज एकाचा मृत्यू झाला. रत्नागिरी जिल्ह्यातील सक्रिय करोनाबाधितांची संख्या कालच्या २६वरून २९वर आली आहे. रत्नागिरी जिल्ह्यातील करोनाबाधितांची आतापर्यंतची एकूण संख्या ७९ हजार १३२ झाली आहे, तर आतापर्यंत बरे होऊन घरी गेलेल्यांची संख्या ७६ हजार ६१३ आहे. करोनामुक्तांची टक्केवारी ९६.८२ आहे.

जिल्ह्यात आज झालेल्या तपासणीचा तपशील असा – आरटीपीसीआरसाठी पाठविलेल्या ३८३ पैकी ३७९ नमुने निगेटिव्ह आले, तर चार पॉझिटिव्ह आले. रॅपिड अँटिजेन टेस्टसाठी पाठवलेले सर्व ३५३ नमुने निगेटिव्ह आले. आतापर्यंत जिल्ह्यातील आठ लाख ५० हजार ९९८ जणांची करोनाविषयक चाचणी निगेटिव्ह आली आहे.

आज जिल्ह्यात सक्रिय असलेल्या २९ रुग्णांपैकी लक्षणे नसलेले ९, तर लक्षणे असलेले २० रुग्ण आहेत. गृह विलगीकरणातील रुग्णांची संख्या ९, तर संस्थात्मक विलगीकरणात २० जण आहेत. एकाही रुग्णाची नोंद कोविड पोर्टलवर व्हायची बाकी राहिलेली नाही. अॅक्टिव्ह रुग्णांपैकी डीसीएचसीमध्ये ९, तर डीसीएचमध्ये ११ रुग्ण आहेत. सीसीसीमध्ये एकही रुग्ण नाही. बाधितांपैकी ६ जण ऑक्सिजनवर असून, दोन रुग्ण अतिदक्षता विभागात दाखल आहेत.

आज एका मृत्यूची नोंद झाली. मृतांची आतापर्यंतची एकूण संख्या २४९० झाली आहे. गेल्या आठवड्यातील मृत्युदर ० टक्के होता. सक्रिय रुग्णांच्या तुलनेत आजचा मृत्युदर ३.४५ टक्के आहे.

जिल्ह्यातील आतापर्यंतच्या मृतांची तालुकानिहाय संख्या अशी – मंडणगड ३९, दापोली २२२, खेड २२८, गुहागर १७४, चिपळूण ४७९, संगमेश्वर २२३, रत्नागिरी ८२९, लांजा १३०, राजापूर १६६. (एकूण २४९०).

लसीकरणाची स्थिती

जिल्हा आरोग्य अधिकाऱ्यांनी दिलेल्या तपशिलानुसार दि. १५ डिसेंबर रोजी झालेल्या ८७ करोनाप्रतिबंधक लसीकरण सत्रांत १९७२ जणांनी पहिला, तर ७७३९ जणांनी दुसरा डोस घेतला. त्या दिवशी एकूण ९,७११ जणांचे लसीकरण झाले. १५ डिसेंबरपर्यंत जिल्ह्यातील ९ लाख ९२ हजार ४५९ जणांचा पहिला, तर ५ लाख ७९ हजार ४८ जणांचे दोन्ही डोसेस घेऊन झाले आहेत. एकूण १५ लाख ७१ हजार ५०७ जणांचे लसीकरण जिल्ह्यात पार पडले आहे.

कोकण मीडियाला विविध सोशल मीडियावर फॉलो करण्यासाठी खाली दिलेल्या पर्यायांवर क्लिक करा.
टेलिग्राम, व्हॉट्सअॅप, यू-ट्यूब, ट्विटर, फेसबुक, इन्स्टाग्राम, इन्स्टामोजो, गुगल प्ले बुक्स, गुगल न्यूज, बुकगंगा, साउंडक्लाउड