सिंधुदुर्ग जिल्ह्यात करोनाचे नवे ३६ रुग्ण, ५७ करोनामुक्त, दोघांचा मृत्यू

सिंधुदुर्गनगरी : सिंधुदुर्ग जिल्ह्यात आज (१ ऑक्टोबर) दुपारी १२ वाजेपर्यंतच्या अहवालानुसार गेल्या २४ तासांत करोनाचे नवे ३६ रुग्ण आढळले, तर ५७ रुग्ण करोनामुक्त झाले. या काळात दोघांचा मृत्यू नोंदविला गेला.

जिल्हा रुग्णालयाचे प्रभारी जिल्हा शल्य चिकित्सक डॉ. श्रीपाद पाटील यांनी दिलेल्या अहवालानुसार जिल्ह्याबाहेरील लॅबमध्ये तपासणी केलेल्या दोघांसह आज नवे ३६ करोनाबाधित आढळले. जिल्ह्यातील आतापर्यंतच्या एकूण बाधितांची संख्या ५२ हजार २७ झाली आहे. जिल्ह्यातील आजच्या बाधित रुग्णांची तालुकानिहाय संख्या अशी – देवगड १, दोडामार्ग २, कणकवली ५, कुडाळ १०, मालवण ३, सावंतवाडी ६, वैभववाडी ३, वेंगुर्ले ५, जिल्ह्याबाहेरील १.

जिल्ह्यात सध्या १०३० सक्रिय रुग्ण असून सक्रिय रुग्णांपैकी ५२ रुग्ण ऑक्सिजनवर, तर १४ रुग्ण व्हेंटिलेटरवर आहेत.

जिल्ह्यातील तालुकानिहाय सक्रिय रुग्णांची संख्या अशी – देवगड ९३, दोडामार्ग २६, कणकवली १७४, कुडाळ २५७, मालवण १८४, सावंतवाडी १५६, वैभववाडी ३३, वेंगुर्ले ९७, जिल्ह्याबाहेरील १०.

आज मोर्ले (दोडामार्ग) येथील महिला आणि आशिये (कणकवली) येथील पुरुष रुग्णाचा मृत्यू झाला. जिल्ह्यातील एकूण मृतांची संख्या १४०८ झाली आहे. जिल्ह्यातील आजपर्यंतच्या मृतांची तालुकानिहाय एकूण संख्या अशी – देवगड – १७५, दोडामार्ग – ४०, कणकवली – २९३, कुडाळ – २३३, मालवण – २७९, सावंतवाडी – १९२, वैभववाडी – ८१, वेंगुर्ले – १०६, जिल्ह्याबाहेरील रुग्ण – ९.