रत्नागिरी जिल्ह्यात एकच नवा करोनाबाधित

रत्नागिरी : रत्नागिरी जिल्ह्यात आज (दि. २० डिसेंबर) एकच नवा करोनाबाधित आढळला. आज एकही रुग्ण करोनामुक्त होऊन घरी गेला नाही, एकाही मृत्यूची नोंद आज झाली नाही. मात्र जिल्ह्यातील सक्रिय करोनाबाधितांची संख्या कालच्या ३०वरून आज ३१वर गेली आहे.

रत्नागिरी जिल्ह्यातील करोनाबाधितांची आतापर्यंतची एकूण संख्या ७९ हजार १३५ झाली आहे, तर आतापर्यंत बरे होऊन घरी गेलेल्यांची संख्या ७६ हजार ६१४ आहे. करोनामुक्तांची टक्केवारी ९६.८२ आहे.

जिल्ह्यात आज झालेल्या तपासणीचा तपशील असा – आरटीपीसीआरसाठी पाठविलेल्या ४९३ पैकी सर्व नमुने निगेटिव्ह आले, तर रॅपिड अँटिजेन टेस्टसाठी पाठवलेल्या ११७ पैकी ११६ नमुने निगेटिव्ह, तर एक पॉझिटिव्ह आला. आतापर्यंत जिल्ह्यातील आठ लाख ५२ हजार ८५५ जणांची करोनाविषयक चाचणी निगेटिव्ह आली आहे.

आज जिल्ह्यात सक्रिय असलेल्या ३१ रुग्णांपैकी लक्षणे नसलेले ११, तर लक्षणे असलेले २० रुग्ण आहेत. गृह विलगीकरणातील रुग्णांची संख्या ११, तर संस्थात्मक विलगीकरणात २० जण आहेत. एकाही रुग्णाची नोंद कोविड पोर्टलवर व्हायची बाकी राहिलेली नाही. अॅक्टिव्ह रुग्णांपैकी डीसीएचसीमध्ये ९, तर डीसीएचमध्ये ११ रुग्ण आहेत. सीसीसीमध्ये एकही रुग्ण नाही. बाधितांपैकी ६ जण ऑक्सिजनवर असून, एक रुग्ण अतिदक्षता विभागात दाखल आहे.

आज एकाही मृत्यूची नोंद झाली नाही. मृतांची आतापर्यंतची एकूण संख्या २४९० एवढीच आहे. गेल्या आठवड्यातील मृत्युदर ० टक्के होता. सक्रिय रुग्णांच्या तुलनेत आजचा मृत्युदर ० टक्के आहे.

जिल्ह्यातील आतापर्यंतच्या मृतांची तालुकानिहाय संख्या अशी – मंडणगड ३९, दापोली २२२, खेड २२८, गुहागर १७४, चिपळूण ४७९, संगमेश्वर २२३, रत्नागिरी ८२९, लांजा १३०, राजापूर १६६. (एकूण २४९०).

लसीकरणाची स्थिती

जिल्हा आरोग्य अधिकाऱ्यांनी दिलेल्या तपशिलानुसार दि. १९ डिसेंबर रोजी झालेल्या तीन करोनाप्रतिबंधक लसीकरण सत्रांत ७० जणांनी पहिला, तर २९६ जणांनी दुसरा डोस घेतला. काल एकूण ३६६ जणांचे लसीकरण झाले. १९ डिसेंबरपर्यंत जिल्ह्यातील ९ लाख ९७ हजार ७७० जणांचा पहिला, तर ५ लाख ९८ हजार १०२ जणांचे दोन्ही डोसेस घेऊन झाले आहेत. एकूण १५ लाख ९५ हजार ८७२ जणांचे लसीकरण जिल्ह्यात पार पडले आहे.