coronavirus

रत्नागिरी जिल्ह्यात करोनाचा १ नवा रुग्ण; ७ करोनामुक्त

रत्नागिरी : रत्नागिरी जिल्ह्यात आज (१० डिसेंबर) १ नवा करोनाबाधित आढळला, तर सात जण बरे होऊन घरी गेले. जिल्ह्यात उपचार सुरू असलेल्या एकूण रुग्णांची संख्या २७ वर आली आहे.

रत्नागिरी जिल्ह्यात आज दुपारी तीन वाजेपर्यंतच्या २४ तासांत करोनाचा १ नवा रुग्ण आढळला. जिल्ह्यातील करोनाबाधितांची आतापर्यंतची एकूण संख्या ७९ हजार ११० झाली आहे. आज सात रुग्ण करोनामुक्त झाले. त्यामुळे आतापर्यंत बरे होऊन घरी गेलेल्यांची संख्या ७६ हजार ५९४ एवढी आहे. करोनामुक्तांची टक्केवारी ९६.८२ झाली आहे.

जिल्ह्यात आज झालेल्या तपासणीचा तपशील असा – आरटीपीसीआरसाठी पाठविलेल्या ९६३ पैकी ९६२ अहवाल निगेटिव्ह आणि एकच पॉझिटिव्ह आला. रॅपिड अँटिजेन टेस्टसाठी पाठवलेल्या सर्व ४०९ नमुन्यांचा अहवाल निगेटिव्ह आला. आतापर्यंत जिल्ह्यातील आठ लाख ४३ हजार ९१९ जणांची करोनाविषयक चाचणी निगेटिव्ह आली आहे.

आज जिल्ह्यात सक्रिय असलेल्या २७ रुग्णांपैकी लक्षणे नसलेले १४, तर लक्षणे असलेले १३ रुग्ण आहेत. गृह विलगीकरणातील रुग्णांची संख्या १४, तर संस्थात्मक विलगीकरणात १३ जण आहेत. एकाही रुग्णाची नोंद कोविड पोर्टलवर व्हायची बाकी राहिलेली नाही. अॅक्टिव्ह रुग्णांपैकी डीसीएचसीमध्ये ८, तर डीसीएचमध्ये ५ रुग्ण आहेत. सीसीसीमध्ये एकही रुग्ण नाही. बाधितांपैकी ४ जण ऑक्सिजनवर असून, दोन रुग्ण अतिदक्षता विभागात दाखल आहे.

आज एकाही मृत्यूची नोंद झाली नाही. मृतांची आतापर्यंतची एकूण संख्या २४८९ एवढीच आहे. गेल्या आठवड्यातील मृत्युदर ० टक्के होता. या आठवड्यात तो ३.१५ टक्के आहे. सक्रिय रुग्णांच्या तुलनेत आजचा मृत्युदर ० आहे.

जिल्ह्यातील आतापर्यंतच्या मृतांची तालुकानिहाय संख्या अशी – मंडणगड ३९, दापोली २२२, खेड २२८, गुहागर १७४, चिपळूण ४७८, संगमेश्वर २२३, रत्नागिरी ८२९, लांजा १३०, राजापूर १६६. (एकूण २४८९).

लसीकरणाची स्थिती

जिल्हा आरोग्य अधिकाऱ्यांनी दिलेल्या तपशिलानुसार काल (दि. ९ डिसेंबर) करोनाप्रतिबंधक लसीकरणाचे ६७ वे सत्र पार पडले. त्यात २०७५ जणांनी पहिला, तर ५१३३ जणांनी दुसरा डोस घेतला. काल एकूण ७२०८ जणांचे लसीकरण झाले. कालपर्यंत जिल्ह्यातील ९ लाख ८० हजार २३८ जणांचा पहिला, तर ५ लाख ३६ हजार ५७३ जणांचे दोन्ही डोसेस घेऊन झाले आहेत. एकूण १५ लाख १६ हजार ८११ जणांचे लसीकरण जिल्ह्यात पार पडले आहे.

कोकण मीडियाला विविध सोशल मीडियावर फॉलो करण्यासाठी खाली दिलेल्या पर्यायांवर क्लिक करा.
टेलिग्राम, व्हॉट्सअॅप, यू-ट्यूब, ट्विटर, फेसबुक, इन्स्टाग्राम, इन्स्टामोजो, गुगल प्ले बुक्स, गुगल न्यूज, बुकगंगा, साउंडक्लाउड

Follow Kokan Media on Social Media

Leave a Reply