रत्नागिरी जिल्ह्यात दोन नवे करोनाबाधित

रत्नागिरी : रत्नागिरी जिल्ह्यात सक्रिय करोनाबाधितांची संख्या सलग चौथ्या दिवशी १० च्या आतच आहे. आज (दि. १३ मार्च) करोनाचे २ नवे रुग्ण आढळले. आज एकही रुग्ण करोनामुक्त झाला नाही. आज एकाही रुग्णाच्या मृत्यूची नोंद झाली नाही. जिल्ह्यातील सक्रिय रुग्णांची संख्या ८ आहे.

जिल्ह्यात करोनाचे आतापर्यंत ८४ हजार ४६१ रुग्ण आढळले असून, त्यापैकी ८१ हजार ९१५ म्हणजे ९६.९९ टक्के रुग्ण करोनामुक्त झाले आहेत.

जिल्ह्यात आज झालेल्या तपासणीचा तपशील असा – आरटीपीसीआरसाठी पाठविलेल्या १६४ नमुन्यांपैकी १६३ निगेटिव्ह, १ अहवाल पॉझिटिव्ह आला. रॅपिड अँटिजेन टेस्टसाठी पाठवलेल्या २८६ पैकी २८५ अहवाल निगेटिव्ह, तर एक पॉझिटिव्ह आला. आतापर्यंत जिल्ह्यातील नऊ लाख ३१ हजार ३३२ जणांची करोनाविषयक चाचणी निगेटिव्ह आली आहे. आज जिल्ह्यात सक्रिय असलेल्या ८ रुग्णांपैकी लक्षणे नसलेले ४, तर लक्षणे असलेले ४ रुग्ण आहेत. गृह विलगीकरणात ४, तर संस्थात्मक विलगीकरणात ४ जण आहेत. चार रुग्णांची नोंद कोविड पोर्टलवर व्हायची बाकी राहिली आहे.

अ‍ॅक्टिव्ह रुग्णांपैकी डीसीएचसीमध्ये आणि सीसीसीमध्ये एकही रुग्ण नाही. डीसीएचमध्ये ४ रुग्ण आहेत. बाधितांपैकी ऑक्सिजनवर एकही रुग्ण नाही, तसेच अतिदक्षता विभागातही एकही रुग्ण नाही.

आज एकाही रुग्णाच्या मृत्यूची नोंद झाली नसल्याने मृतांची आतापर्यंतची एकूण संख्या २,५३४ एवढीच आहे. गेल्या आठवड्यातील मृत्युदर ० टक्के होता. सक्रिय रुग्णांच्या तुलनेत आजचा मृत्युदर ० टक्के आहे. एकूण मृत्युदर ३.०० टक्के आहे.

जिल्ह्यातील आतापर्यंतच्या मृतांची तालुकानिहाय संख्या अशी – मंडणगड ३९, दापोली २२३, खेड २३१, गुहागर १८२, चिपळूण ४९०, संगमेश्वर २२९, रत्नागिरी ८४१, लांजा १३२, राजापूर -१६७. (एकूण २,५३४).

जिल्ह्यातील लसीकरण

रत्नागिरी जिल्ह्यात ११ मार्च रोजी करोनाप्रतिबंधक लसीकरणाची ६४ सत्रे पार पडली. त्यात १८८ नागरिकांनी लशीचा पहिला, तर २,५३६ जणांनी दुसरा डोस घेतला. शिवाय १३५ जणांनी बूस्टर डोस घेतला. १८ वर्षांवरच्या एकूण २,८५९ जणांचे लसीकरण ११ मार्च रोजी झाले. ११ मार्चपर्यंतच्या एकूण आकडेवारीनुसार, जिल्ह्यातील १० लाख ५३ हजार २३६ जणांचा पहिला, तर ८ लाख ७१ हजार ६३९ जणांचे दोन्ही डोस घेऊन झाले आहेत. जिल्ह्यातील एकूण २० लाख २६ हजार ८७१ जणांचे लसीकरण झाले आहे.